El Partíu Asturianista ye un partíu democráticu, asturianista, interclasista y de progresu, que tien como oxetivos el caltenimientu dinámicu de la iden¬tidá d’Asturies; l’espoxigue material de los asturianos; l’algame de los bienes culturales apropiaos pal afitamientu d’una sociedá llibre y una opinión pública non remanada; l’afalamientu la creación artística y el so espardimientu; l’ame¬yoramientu la calidá de vida, faciendo compatibles l’esporpolle económicu col respetu al entornu mediuambiental; la protección de los sectores sociales menos favorecíos; facer posible’l desendolque vital del individuu hasta la llende les sos capacidaes; procurar la igualdá d’oportunidaes nel accesu al trabayu; sofitar les iniciatives creadores, tanto tecnolóxiques como industriales o comerciales.Too ello, mediante l’usu democráticu de los medios d’acción política consagraos na Constitución Española, agabitando la llibre formación d’un estáu d’opinión favoratible a los postulaos del Partíu Asturianista, y gobernando dende les instituciones democrátiques d’alcuerdu con ellos.